Sansar News
भदौ २३, काठमाडौं । प्रमुख प्रतिपक्षी दल नेकपा (एमाले)को अवरोध पछि संसद बैठक १५ मिनेटका लागि स्थगित भएको छ । बैठक सुरु हुन वित्तिकै एमालेका सांसदहरुले नाराबाजी गरेपछि सभामुख अग्नि सापकोटाले बैठक स्थगित गराएका हुन् ।
एमालेले आफ्नो पार्टीले कारबाही गरेका माधवकुमार नेपालसहित १४ सांसदलाई बैठकमा राखेको प्रति आपत्ति जनाएको छ । एमालेले सभामुखको भूमिका निष्पक्ष नभएको भन्दै विरोध जनाएको छ ।
प्रतिनिधि सभाको बैठक सुरु भए लगत्तै उठेर एमालेका प्रमुख सचेतक विशाल भट्टराईले एमाले टुक्र्याउन सभामुख किन मतियार बनेको भन्दै प्रश्न गरेका थिए ।
वि.सं.२०७८ भदौ २३ बुधवार १६:२५ मा प्रकाशित
