Sansar News
२८ भदौ, काठमाडौँ । मुक्तिनाथ विकास बैंकले विभिन्न ठाउँमा सहयाेग गरेकाे छ । बैंकले सामाजिक उत्तरदायीत्व अन्तर्गत विभिन्न स्थानमा सहयोग गरेकाे हाे। बैंकले यहि भदौ महिनामा मात्र ५ ठाउँमा सहयाेग गरेकाे छ ।
बैंकले कुन कुन ठाउँमा सहयाेग गर्याे ?
(१) बैंकले प्रदेश १ र २ मा वित्तीय साक्षरताको अभियानमा सहयोग पुग्ने गरि “फाइनान्सीयल डिजिटलाइजेसन लिट्रेसी” लागि ५० हजार रुपैयाँ मिडिया इन्टरनेसनल प्रा. लि.लाई सहयोग गरेको छ ।
(२) बैंकले कास्कीको मालपोत कार्यालयमा सेवाग्राहीहरु बस्ने प्रतिक्षालयहरुमा आराम कुर्सीहरुको अभाव भएको हुँदा ३ थान ३ सिटरको फलामको कुर्सी मालपोत कार्यालय, कास्कीलाई हस्तानतरण गरेको छ ।
(३) बैंकले आर्थिक स्थिति कमजोर भएका कास्की जिल्ला पोखरा महानगरपालिका २२ का २८ वर्षीय प्रकाश बरालको मृगौला प्रत्यारोपणका लागि ५० हजार सहयोग गरेको छ ।
(४) बैंकले भैसेपाटीस्थित प्रगती युवा कल्बद्धारा आयोजना गरिएको रक्तदान कार्यक्रमका लागि पनि आर्थिक सहयोग गरेको छ ।
(५) बालबालिकाको शिक्षामा टेवा पुर्याउनका निमित्त रेश्ट फाउन्डेसन अन्तर्गगत हेरचाह गरिएका आर्थिक स्थिति कमजोर भएका बालबालिकाका किताब राख्नको लागि दराज निर्माण गर्न ४० हजार सहयोग गरिएको बैंकले जनाएको छ ।
वि.सं.२०७८ भदौ २८ सोमवार ०७:२७ मा प्रकाशित
