हामी सबैकाे संसारन्यूज

काठमाडौं । नेकपा (माओवादी केन्द्र)का स्थायी समिति सदस्य वर्षमान पुन ‘अनन्त’लाई उपचारको लागि थाइल्याण्ड लगिने भएको छ । सेमुरु अस्पतालमा उपचाररत पुनको स्वास्थ्यमा सुधार नदेखिएपछि थाइल्याण्ड लैजाने तयारी गरिएको उनको सचिव सन्तोष पुनले जानकारी दिए ।

लामो समयदेखि जण्डिस रोगबाट पीडित पुनलाई पछिल्लो साता थप असहजता भएसँगै अस्पताल भर्ना गरिएको थियो । तर, यसअघि जस्तै अवस्था जटिल बन्न थालेसँगै उपचारका लागि पुनः थाइल्याण्ड नै लैजाने तयारी गरिएको हो ।

सुमेरुमा उपचाररत पुनलाई पार्टी अध्यक्ष पुष्पकमल दाहाल ‘प्रचण्ड’सहितका नेताहरुले भेटेर थप उपचारका लागि थाइल्याण्ड लैजान सुझाएका थिए । बताइअनुसार आज दिनभरको रिर्पोट अपडेट हेरेपछि भोली थाइल्याण्ड लगिनेछ ।

दुई वर्ष अघि पनि पुनलाई स्वास्थ्यमा गम्भीर समस्या देखिएपछि थाईल्याण्डको बुरमुङगार्ड अस्पताल लगिएको थियो । उनलाई झण्डै एक महिना उपचार गरेर नेपाल ल्याइएको थियो ।