back

केरा खेती कृषक निराश

वि.सं.२०७३ फागुन १८ बुधवार

264 

shares
RBB AD
NTC AD

banana-tree

 १८ फागुन, इनरुवा । सुनसरी बबिया गाविस– ८ का राजेश मेहता एक दशकदेखि भाडामा जग्गा लिएर २० बिघा क्षेत्रफलमा केराखेती गर्दै आउनुभएको थियो । तर दुई वर्षयतादेखि निरन्तर रुपमा बजारमा केराको उचित भाउ पाउन नसकेका कारण उहाँ निराश हुनुभएको छ ।

केराखेतीमा उत्पादन लागत बढेको, मूल्य तथा बजार निरन्तररुपमा ओरालो लागेका कारण २० बिघा क्षेत्रफलबाट उहाँ पाँच बिगाहा केराखेती घटाउन बाध्य हुनुभयो । उहाँले सुरुमा प्रति बिगाहा रु एक लाख लगानी गर्दा रु तीन लाखसम्मको आम्दानी भएकोमा अहिले आएर केराखेतीमा प्रति बिगाहा रु दुई लाखसम्म लगानी गर्दा पनि रु एक लाखसम्म पनि आम्दानी हुन नसकेका कारण केराखेती घटाएको बताउनुहुन्छ ।

मेहता जस्तै सदरमुकाम इनरुवा– ६ का विनोद महेता अहिले भाडामा जग्गा लिएर २० बिगाहा क्षेत्रफलमा केराखेती गर्दै आउनुभएको छ । तर अहिलेकै अवस्थामा भारतीय बजारबाट केरा नेपाल भित्रियो भने आफू केराखेती गर्न छोडेर अर्को पेसा अङगाल्ने उहाँको भनाइ छ । भारतीय केरा नेपाली केराभन्दा सस्तो हुने गरेको र उनीहरुले बेच्ने गरेको मूल्यमा आफूहरु केरा बेच्दा लागत समेत नआउने भएका कारण आफू अन्य पेसाको खोजीमा रहेको बताउनुहुन्छ ।

बबियाका केरा कृषक बलराम मेहताले समेत २०७० सालमा १० बिगाहा क्षेत्रफलमा केराखेती गर्नुभएको थियो । तर अहिले उहाँले पाँच बिगाहा क्षेत्रफलमा केराखेतीलाई सीमित गर्नुभएको छ । किसानले समयमा मल नपाउनु, मजदुर अभाव हुनु, सिँचाइ असुविधा तथा उत्पादन गरेको केराले बजार र लागत मूल्य नपाउँदा उहाँले केराखेती घटाउँदै लैजानुभएको छ ।

जिल्लामा ६५० हेक्टर क्षेत्रफलमा केराखेती गरिँदै आएको छ । किसानले बर्सेनि केराखेती घटाउँदै लगेका छन् । विगत वर्षमा एक सय केरा रु चारसयमा बिक्री हुँदैआएकामा अहिले रु एक सयदेखि रु एक सय ५० सम्ममा बिक्री भइरहेको छ ।

भारतीय केरासँग प्रतिस्पर्धा गर्न नसक्दा यहाँका किसान मारमा परेका छन् । भारतीय केरासँग प्रतिस्पर्धा गर्न नसक्दा केराखेती घटाउन नेपाली किसान बाध्य भएका हुन् । रासस

वि.सं.२०७३ फागुन १८ बुधवार १४:०८ मा प्रकाशित

NLIC AD
NABIL bank AD
गाउँपालिकाद्वारा उद्यमीलाई बीउ पुँजी प्रदान

गाउँपालिकाद्वारा उद्यमीलाई बीउ पुँजी प्रदान

पर्वत । पर्वतको जलजला गाउँपालिकाले पालिकाभित्र लघु तथा घरेलु उद्यम...

दूध र तरकारीमा आत्मनिर्भर बन्यो गाउँपालिका

दूध र तरकारीमा आत्मनिर्भर बन्यो गाउँपालिका

पर्वत । बिहादी गाउँपालिकाले पछिल्लो समयमा कृषि क्षेत्रमा प्रतिफल दिने...

ढोरपाटनमा पर्यटक आगमन बढ्न थालेसँगै राजस्व सङ्कलनसमा वृद्धि

ढोरपाटनमा पर्यटक आगमन बढ्न थालेसँगै राजस्व सङ्कलनसमा वृद्धि

ढोरपाटन (बागलुङ) । नेपालको एक मात्र सिकार आरक्ष ढोरपाटनमा पर्यटक...

आजको बजारमा विदेशी मुद्राको भाउ, कुन घट्यो कुन बढ्यो ?

आजको बजारमा विदेशी मुद्राको भाउ, कुन घट्यो कुन बढ्यो ?

काठमाडौं । नेपाल राष्ट्र बैंकले आजको बजारमा विदेशी मुद्राको भाउ...

निलगिरि र अन्नपूर्ण हिमाल ऋषि काग-भुषुण्डीको निवासस्थल

निलगिरि र अन्नपूर्ण हिमाल ऋषि काग-भुषुण्डीको निवासस्थल

गलेश्वर (म्याग्दी) । हिमालपारिको जिल्ला मुस्ताङमा अवस्थित निलगिरि र म्याग्दीमा...

कामना सेवा विकास बैंकका ग्राहकलाई सीटि डाइगोनोसिसमा विशेष छूट पाउने

कामना सेवा विकास बैंकका ग्राहकलाई सीटि डाइगोनोसिसमा विशेष छूट पाउने

  काठमाडौं । कामना सेवा विकास बैंकले रुपन्देहीको बुटवलस्थित रुपन्देही...