Sansar News
काठमाडौं । केही दिनयता देशैभरी चिसो बढ्न थालेको छ । मौसमविद्का अनुसार अब देशैभरी विस्तारै चिसो बढ्दै जानेछ । उपत्यकामा केही दिनयता विस्तारै चिसो बढिरहेकोछ ।
मौसम पूर्वानुमान महाशाखाका अनुसार आज काठमाडौंको न्यूनतम तापक्रम १३.५ र अधिकतम तापक्रम २६.४ मापन गरिएकोछ ।
त्यस्तै पोखराको न्यूनतम तापक्रम १६.२ र अधिकतम २७.८ रहेको छ भने धरानको न्यूनतम १९.९ र अधिकतम तापक्रम ३० डिग्री मापन गरिएको छ ।
त्यसैगरी आज सबैभन्दा बकम तापक्रम जोमसममा मापन गरिएको छ । त्यहाँको न्यूनतम् तापक्रम ४.२ र अधिकतम् १९.३ डिग्री मापन गरिएको पनि महाशाखाले जनाएको छ ।
आज दिउँसो देशका पहाडी भु–भागमा आंशिकदेखि सामान्य बदली र तराईका भु–भागमा सामान्यतया सफा देखि आंशिक बदली रहने छ । देशका थोरै स्थानहरुमा हल्का वर्षाको सम्भावना रहेको छ । साथै उच्च पहाडी तथा हिमाली भू–भागका केही स्थानहरुमा हल्का हिमपातको सम्भावना रहेको छ ।
वि.सं.२०७८ कात्तिक ९ मंगलवार ०८:२३ मा प्रकाशित
