Sansar News
पोखरा । गण्डकी प्रदेशमा पछिल्लो २४ घण्टामा थप ८७ जनामा कोरोना संक्रमण पुष्टि भएको छ ।
प्रदेशको स्वास्थ्य निर्देशनालयका अनुसार मंगलवार प्रदेशका विभिन्न जिल्लामा गरेर ८७ जना संक्रमित थपिएका हुन् । ती मध्ये सबैभन्दा बढी लमजुङमा १४, कास्कीमा ३७ र स्याङजामा १२ जना रहेका छन् । साथै मुस्ताङ र मनाङमा संक्रमितको संख्या शून्य रहेको छ ।
पछिल्ला थप ८७ जनासँगै प्रदेशमा हालसम्म संक्रमित हुनेको संख्या ८७ हजार ९४ पुगेको छ भने ती मध्ये ८५ हजार २७५ जना निको भइसकेको तथ्यांङ निर्देशनालयले जारी गरेको छ ।
प्रदेशमा पछिल्लो २४ घण्टामा तनहुँमा २ र कास्कीमा १ गरी तीनजना संक्रमितको मृत्यु भएको छ । पछिल्लो पटक तीनजनाको मृत्यु भएसँगै प्रदेशमा हालसम्म संक्रमणबाट ज्यान गुमाउनेको संख्या १ हजार ३९३ पुगेको छ ।
त्यस्तै प्रदेशमा हाल ४२६ जना सक्रिय संक्रमित रहेकोमा होम आइसोलेशनमा ३०७ जना रहेका छन् भने अन्यको विभिन्न अस्पतालमा उपचार भइरहेको छ ।
प्रदेशमा पछिल्लो २४ घण्टामा ६११ जनामा कोरोना संक्रमणको नमुना परीक्षण गरिएको छ ।
वि.सं.२०७८ कात्तिक ९ मंगलवार १६:४१ मा प्रकाशित
