हामी सबैकाे संसारन्यूज

२३ कार्तिक, काठमाडौँ । साताको तेस्रो दिन सेयर बजार नेप्सेमा ७९ अकंले पहिरो गएको छ । आज सेयर बजार (नेप्से) ७९ दशमलब ७९ अकंले घटेर २७४९ दशमलब ८५ विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि १६ दशमलब ०२ अकंले घटेर ५१२ दशमलब ८२ विन्दुमा पुगेको छ ।

आज कुल सूचिकृतमध्ये २२५ कम्पनीको ६ अर्ब ५२ करोड ७७ लाख २९ हजार ५४७ रुपैंया बराबरको १ करोड १९ लाख १७ हजार ७७ कित्ता सेयर किनबेच भएको छ । तिनको कारोबारमा १ लाख ६ सय ६६ पटक लेनदेन भएको हो ।

कारोबार रकमको आधारमा नविल बैंक, साहस उर्जा, अपी पावर, नेशनल हाईड्रोपावर, प्राइम कमर्सियल बैंक, अरुण भ्याली हाइड्रोपावर लगायतका कम्पनीहरु शिर्ष स्थानमा रहे भने कारोबार संख्याको आधारमा नेशनल हाईड्रोपावर, प्राइम कमर्सियल बैंक, अपी पावर, अरुण भ्याली हाइड्रोपावर, साहस उर्जा लगायतका कम्पनीहरु शिर्ष स्थानमा रहे ।

आज सबै भन्दा धेरै कमाउनेमा तेह्रथुम पावर कम्पनी, मानुषी लघुवित्त, साहस उर्जा, युनिलिभर कम्पनी, प्राइम कमर्सियल बैंक लिमिटेड लगायतका कम्पनीका लगानीकर्ताहरु परेका छन ।

नेप्सेमा ७९ अकंले पहिरो जादाँ दुई कम्पनीको सेयर मूल्यमा नकारात्मक सर्किट लागेको छ । आज महालक्ष्मी विकास बैंक र आईसिएफसी फइनान्सको सेयर मूल्यमा नकारात्मक सर्किट लागेको हो ।