Sansar News
काठमाडौं । प्रधानमन्त्रीसमेत रहेका कांग्रेस सभापति शेरबहादुर देउवा पार्टी महाधिवेशनको आन्तरिक रणनीति तय गर्न जुटेका छन् । देउवाले आफुँ निकट मानिने नेताहरुलाई बोलाएर बेग्ला–बेग्लै छलफलसमेत शुरु गरेका छन् ।
बिहीबार देउवाले बालुवाटारमै बोलाएर आफुँ निकट मानिने शीर्ष नेताहरुसँग छलफल गरेका थिए । उनले नेताहरुसँग सुझाब पनि लिएका थिए ।
देउवाले पछिल्लो समय आफ्ना गुट बाहिरका नेताहरुलाई पनि भेटिरहेका छन् । विशेषतः रामचन्द्र पौडेल पक्षका नेताहरुसँग क्रमिक रुपमा देउवाले छलफल चलाइरहेका छन् । बताइएअनुसार बालुवाटारमा रामचन्द्र पौडेल पक्षसँग भईरहेको संवादबारे छलफल भएको थियो ।
देउवाले उच्चस्तरीय संयन्त्रमा रामचन्द्र पौडेललाई संयोजक बनाएको विषयमा उनकै गुट र पौडेल गुटभित्र पनि अन्योंल र असन्तुष्टी छ । पौडेलकै विश्वासमा महाधिवेशन उठ्ने तयारी गरिरहेका देउवाले आन्तरिक रणनीति अति निकटसँग रहेर बनाउन थालेका छन् । बुझिएअनुसार देउवाको सम्भावित रणनीतिबाट ज्ञात देखिएका पौडेल समूहभित्रका नेताहरु विरोधमा उत्रिएका छन् ।
वि.सं.२०७८ कात्तिक २५ बिहीवार १७:४१ मा प्रकाशित
