हामी सबैकाे संसारन्यूज

काठमाडौं । प्रधानन्यायाधिश चोलेन्द्र शम्सेर जबराको राजिनामाको माग गर्दै निरन्तर रुपमा आन्दोलन गर्दै आएको नेपाल बार एशोसियसनले आज प्रधानन्यायाधिश चोलेन्द्र शम्सेर जवरालाई सर्वोच्च अदालत भित्र प्रवेशमा रोक लगाउने बताएको छ ।

प्रधानन्यायाधिश राणाको राजिनामाको माग गर्दै विहीवार शान्तिपूर्ण प्रदर्शन गरिरहेका बेला प्रहरी हस्तक्षेप गर्दै आफुहरुको आन्दोलन दबाउन प्रधानन्यायाधिश जवराले बिचौलिया र भिजलान्ते प्रयोग गरेको आरोप लगाएको बारले आज राणालाई सर्वोच्च प्रवेशमा रोक लगाउने बताएको हो ।

बारका महासचिव लिलामणि पौडेलका अनुसार आज बिहान साढे नौ बजे नै कानुन व्यवसायीहरु बारमा भेला भएर सर्वोच्च अदालतको मूल गेटमा धर्ना दिने र प्रधानन्यायाधिश जवरालाई प्रवेशमा रोक लगाउने भएको हो ।

त्यस्तै सर्वोच्च अदालतले भने कानुन व्यवसायीहरुलाई धर्नास्थलमा जान नदिने रणनीति बनाएको छ ।

बुधवार धर्नामा बसिरहेका बेला प्रहरीको हस्तक्षेपका कारण बारका वरिष्ठ उपाध्यक्ष अधिवक्ता डा. कुमार शर्मा आचार्य, उपाध्यक्ष अधिवक्ता रक्षा बस्याल, महासचिव अधिवक्ता लिलामणि पौडेल, पूर्व केन्द्रीय सदस्य रमण कुमार कर्ण, अधिवक्ता मुकुन्द भट्टराई लगायतका कानुन व्यवसायीहरु घाईते भएको बारले जनाएको छ ।

वकिलहरु घाईते भएपछि बारको आक्रोशः प्रधानन्यायाधिशले बिचौलिया र भिजलान्ते प्रयोग गरे