Sansar News
काठमाडौं । नेकपा (माओवादी केन्द्र)मा सक्रिय सदस्यको संख्या साढे ७ लाख पुगेको छ । पार्टी प्रवक्ता कृष्णबहादुर महराले जनाएअनुसार पार्टी केन्द्रमा साढे ७ लाख सक्रिय सदस्यले विवरण टिपाएका हुन् ।
उनका अनुसार साढे ५ लाख सदस्यको विवरण पार्टीको सफ्टवेयरमा इन्ट्री भइसकेको र थप २ लाख सदस्यको विवरण इन्ट्री हुन बाँकी छ ।
माओवादी केन्द्रले सक्रिय पार्टी सदस्यको संख्या आठ लाख पुर्याउने लक्ष्य लिएको छ । उनका अनुसार सफ्टवेयर बनाउन ढिलाइ हुँदा सदस्यको इन्ट्री समयमै हुन नसकेको हो ।
‘माओवादीमा पार्टी सदस्यता लिनेको संख्या उत्साहजनक पाइयो’, महराले सञ्चारमाध्यमलाई भनेका छन्, ‘सफ्टवयर र हार्डकपी सबै एक ठाउँमा जम्मा भएमा सक्रिय पार्टी सदस्यको संख्या आठ लाखभन्दा धेरै हुन्छ ।’
माओवादी केन्द्रले आगामी पुस दोस्रो साता राष्ट्रिय सम्मेलन गर्ने तयारी गर्दैछ । सम्मेलनको तयारी स्वरुप सदस्यता वितरण तथा नविकरणको कामलाई सफ्टवेयर सिस्टमबाटै गर्ने प्रक्रिया अगाडि बढाएको छ ।
वि.सं.२०७८ कात्तिक २८ आइतवार १३:५९ मा प्रकाशित
