हामी सबैकाे संसारन्यूज

काठमाडौं । नेपालमा पछिल्लो केही साता यता कोरोनाबाट संक्रमित हुने भन्दा निको हुनको संख्या बढिरहेको छ ।

स्वास्थ्य तथा जनसंख्या मन्त्रालयका अनुसार पछिल्ला २४ घण्टामा ९६०६ नमुना परक्षिणमा ३०६ जना संक्रमित भएका छन् भने ३४८ जना निको भएका हु्न् । मन्त्रालयको विवरण अनुसार आज संक्रमित हुनेभन्दा निको हुनेको संख्या बढी हो ।

आज थपिएका ३०६ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ११ हजार ७५८ पुगेको छ ।
त्यस्तै आज निको भएका ३०६ जनासँगै हालसम्म संक्रमणबाट मुक्त हुनेको संख्या ७ लाख ९८ हजार २७४ पुगेको छ । निको हुनेको यो संख्या ९७.७ प्रतिशत हो ।

त्यसैगरी आज देशैभरी ६ जना कोरोना संक्रमितको मृत्यु भएको मन्त्रालयद्धारा जारी तथ्यांकमा उल्लेख छ । आज थपिएका ६ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ४७७ पुगेको छ ।

हाल देशैभरी ७ हजार २१५ जना सक्रिय संक्रमित रहेका छन् । ती मध्ये ६ हजार ६९९ जना होम आइसोलेशनमा रहेका छन् भने ५१६ जनाको विभिन्न अस्पताल तथा संस्थागत आइसोलेशनमा उपचार भइरहेको छ । साथै हाल २२२ जना आइसीयु र ६७ जनाको भेन्टिलेटरमा उपचार भइरहेको छ । शनिवारको तुलनामा आइतवार आइसीयु र भेन्टिलेटरमा उपचार गराउनेको संख्या केही बढेको हो ।

नेपालमा हालसम्म पछिल्लो २४ घण्टामा देशैभरी १५ हजार ९०६ जनाले कोरोना भाइरसविरुद्धको खोप लगाएको पनि स्वास्थ्य मन्त्रालयको विवरणमा उल्लेख छ ।