हामी सबैकाे संसारन्यूज

मुगु । दोलखाबाट निर्बाचित प्रतिनिधिसभाका सांसद जिपछिरिङ लामाले मुगुका अग्निपीडितलाई राहत स्वरुप १ लाख ५० हजार उपलब्ध गराएका छन् ।

उक्त आर्थिक सहयोग प्रमुख जिल्ला अधिकारी रोमबहादुर महतको रोबहरमा शुक्रबार जिल्ला प्रशासन कार्यालयमा आयोजित कार्यक्रममा नेपाली कांग्रेस मुगु जिल्ला कार्यसमितिले पीडितहरुलाई बितरण गरेको हो ।

लामाले उपलब्ध गराएको राहत बितरण कार्यक्रममा कांग्रेस सभापति ऐनबहादुर शाही, उपसभापति कर्ण रावल, महासमिति प्रतिनिधि पदमबहादुर रावल, युवानेता पदमराज मल्ल, पत्रकार महासंघका अध्यक्ष नृपेन्द्रबहादुर मल्ल लगायत ब्यक्तिहरुको उपस्थिति थियो ।

सांसद लामाले उपलब्ध गराएको १ लाख ५० हजार रुपैयाँ आगोले घर ध्वस्तभएका, घर वबाहलमा बस्ने र जलेका घरमा होटल पसल गरि बस्ने ब्यक्तिलाई उपलब्ध गराइएको कांग्रेस सभापति ऐनबहादुर शाहीले बताए ।

सांसदले दिएको राहत बापतको रकम मुगु अग्निपीडितहरुलाई लाई थप राहत भएको सभापति शाहीको भनाई छ । हिमाली जिल्ला मुगुका अग्निपीडितको ब्यथा सम्झेर राहत उपलब्ध गराएका सभासद लामालाई सभापति शाहीले धन्यबाद दिएका थिए ।

बिहिबार नेपाली कांग्रेसको जिल्ला कार्यसमितिको बैठकको निर्णयले मुगुका अग्निपीडितलाई सहयोग गर्न संघसंस्था सरकारी निकायका ब्यक्तिलाई अपिल गरिएको सभापति शाहीले बताए ।

अग्निपीडितलाई राहतको लागि नेपाली कांग्रेस मुगुले प्रदेश सरकार संघीय सरकार समक्ष पनि पहल गरेको छ ।

खाजा खटाएर राहत
गमगढीस्थित सिद्र्धाथ नेश्नल बोडिङमा अध्ययनरत छात्रा÷छात्राहरुले आफनो दुई दिनको खाजा कटाएर छुट्याएको १४ हजार ५ रुपैयाँ अग्निपीडितलाई प्रदान गरिएको छ । उक्त रकम पनि प्रमुख जिल्ला अधिकारी महतकै रोहबरमा पीडितलाई बितरण गरिएको छ । यहाँका अग्नि पीडितहरुलाई बिभिन्न निकाय संघ/संस्थाबाट राहत आउने क्रम जारी रहेको प्रमुख जिल्ला अधिकारी रोमबहादुर महतले जानकारी गराए ।

कर्णाली प्रदेशका मुख्यमन्त्री जीवनबहादुर शाही र कृषि तथा सहकारी मन्त्री चन्द्रबहादुर शाही घटनास्थानमै पुगेर अनुगमन गरि राहत उपलब्ध गराएको प्रमुख जिल्ला अधिकारी रोमबहादुर महतले बताए । उनका अनुसार जिल्ला प्रशासन कार्यालय, रेडक्रस संघ संस्था लगायत बिभिन्न निकायबाट पीडितलाई कम्मल, कपडा, त्रिपाल, नगद जस्ता सहयोग हुन थालेका छन् ।
कार्तिक २९ गते राति तल्लो गमगढी बजारमा आगलागी हुँदा २१ घर जलेर ध्वस्त भएको र ३५ करोड ५५ लाख क्षति भएको जिल्ला प्रहरी कार्यालय मुगुले जनाएको छ ।