हामी सबैकाे संसारन्यूज

काठमाण्डौं । राष्ट्रिय प्रजातन्त्र पार्टी (राप्रपा) का अध्यक्ष कमल थापाले भारतीय योगगुरु रामदेवको संस्था पतन्जलीले दर्ताबिना नै संचारमाध्यम प्रकाशन प्रशारण गरेको र त्यसको उद्घाटन प्रधानमन्त्री शेरबहादुर देउवाबाटै भएको भन्दै आपत्ति जनाएका छन् ।

दर्ताबिना नै संचारमाध्यम प्रकाशन प्रशारण ल्याउन नपाइने कानुनी व्यवस्थाको प्रमबाटै उल्लंघन भएको भन्दै उनले तत्काल सरकारले सत्य तथ्य रार्वजनिक गर्नुपर्ने बताएका छन् ।

सूचना तथा प्रसारण विभागमा दर्ता नगरिएका बिदेशी लगानीका दुई टेलिभिजन च्यानलको प्रम शेरबहादुर देउवाद्वारा उद्घाटन हुनु आश्चर्यजनक छ।
दर्ताबिना सञ्चारमाध्यम प्रकाशन प्रसारणमा ल्याउन नपाइने कानुनी व्यवस्थाको प्रमबाट उल्लंघन भएको छ।यसबारे सरकारले तत्काल सत्यतथ्य सार्वजनिक गर्नुपर्छ।

— Kamal Thapa (@KTnepal) November 21, 2021

‘सूचना तथा प्रसारण विभागमा दर्ता नगरिएका बिदेशी लगानीका दुई टेलिभिजन च्यानलको प्रम शेरबहादुर देउवाद्वारा उद्घाटन हुनु आश्चर्यजनक छ।,’ अध्यक्ष थापाले भनेका छन्, ‘दर्ताबिना सञ्चारमाध्यम प्रकाशन प्रसारणमा ल्याउन नपाइने कानुनी व्यवस्थाको प्रमबाट उल्लंघन भएको छ । यसबारे सरकारले तत्काल सत्यतथ्य सार्वजनिक गर्नुपर्छ।’

भारतीय बाबा रामदेवको पतन्जली नेपालले स शुक्रवारदेखि संचालनमा ल्याएको पतन्जली नेपाल र आस्था नेपाल नामक टेलिभिजन नेपालमा दर्ता नै नगरि प्रधानमन्त्री तथा अन्य पार्टीका बरिष्ठ नेताहरुबाट उद्घाटन गरिएको भन्दै तिब्र आलोचना गरिएको छ ।