हामी सबैकाे संसारन्यूज

विजय थापा, अमेरिका । अमेरिकारको मेरिल्याण्डमा गाडीको ठक्करबाट नेपाली महिलाको निधन भएको छ ।
मेरील्याण्ड राज्यको प्रिन्स जर्ज काउन्टीको एक व्यस्त सडकमा काम गरेर फर्कने क्रममा गाडीले ठक्कर दिदा झापाकी वर्षा खड्का प्रसाईको मृत्यु भएको स्थानीय पत्रपत्रिकाले समाचार प्रकाशन गरेका छन् ।

श्रोतका अनुसार उनी पहिलोदिन वासिगटन डिसीमा काम गरेर फर्कने क्रममा उक्त घटना घटेको हो । नेपाल घर भै भर्खरै बिबाह गरेर अफगानी शरणार्थीहरुसँगै अफगानीस्तानबाट उनी अमेरिका पुगेको समाचारमा उल्लेखछ ।

उन्लाई मेरील्याण्डमा बस्ने घरवालाले डिसीमा काममा जाने तरीका र रेलमा चढने आदी सिकाएर समेत आएका थिए भने कामबाट फर्केको पहिलो दिन नै दुखद घटना भएको स्रोतले जनाएको छ । उन्का पति नेपालमै रहेको बताइएको छ ।

श्रोतका अनुसार पीडितका परिवारहरुले डिसी स्थित राजदूतावासमा पनि सम्पर्क गरि रहेको बुझिएको छ ।

दुर्घटना गत सोमबार राती ७ बजे तिर भएको र गाडी चलाउने चालकके खोजी भै रहेको प्रहरीले जनाएका छन ।

स्व प्रसाईको पार्थिव शरीर नेपाल पठाउनको लागि पारिवारिक सल्लाह भै नेपाली दुताबास तथा मेरिल्याण्ड राज्यका सांसद ह्यारी भण्डारीले पहल गरिरहेको परिवारका सदस्य भर्जिनिया गेन्सभिलका सन्तोष प्रसाईले जानकारी दिएका छन् ।