Sansar News
अमेरिका । अमेरिकामा गाडीकोठक्करबाट एक नेपालीको मृत्यु भएको छ ।
न्युयोर्कमा बस्ने आङकामी शेर्पाको आइतवार (डिसेम्बर ५) बिहान कामगर्न जाने क्रममा न्युजर्शीमा गाडीको ठक्करबाट मृत्यु भएको हो ।
शेर्पाका जेठा ज्वाई जाङ्गबु शेर्पाका अनुसार न्यूजर्सीस्थित एक इन्धन चौकी(ग्यास स्टेसन )मा कार्यरत उनी ७ बजेदेखि सुरु हुने ड्युटीमा पुग्ने क्रममा बाटो काट्दा गाडीले ठक्कर दिएको हो ।
अमेरिकाका लागि अवैतनिक महाबाणिज्यदूत एसी शेर्पाले पनि शेर्पाको निधनप्रति दुःख व्यक्त गरेका छन् ।
सोलुखुम्बु स्थायी घर भएका शेर्पा नेपाली कांग्रेस सोलुखोम्बुस्थित टाप्टिङको पूर्व गाविस अध्यक्ष पनि हुन् । शेर्पाको घटनास्थलमै निधन भएको र हाल शव अनुसन्धानको लागि शव परीक्षण केन्द्रमा राखिएको छ ।
दुर्घटना न्युजर्सीको सदक १ (रुट वान)मा उत्तर तर्फ भएको थियो भने दुर्घटनामा परेका चालक अहिले अस्पतालमा रहेका छन् । ज्वाई शेर्पाका अनुसार चालक पनि गम्भीर घाईते भएका छन् । शेर्पा झण्डै एक दशकदेखि परिवारसहित अमेरिका बस्दै आएका थिए ।
वि.सं.२०७८ मंसिर २० सोमवार १९:२८ मा प्रकाशित
