काठमाडौ । वेस्टर्न युनियनले दशैँ, तिहार र छठ लक्षित क्यास उत्सव योजनाको विजेता घोषणा गरेको छ । जसमा नबिल बैँकको सब–एजेन्ट मुक्तिनाथ विकास बैँकबाट कारोबार गरेकी मस्तकला नेपाली बिकले पाँच लाख रुपैयाँ जितेकी छिन् ।
विकलाई नबिल बैंकको गण्डकी प्रदेश प्रमुख सूर्यबहादुर रोका र मुक्तिनाथ विकास बैंकको गण्डकी प्रदेश प्रमुख शंकर केसीले संयुक्त रूपमा चेक हस्तान्तरण गरेका थिए । दशैँ, तिहार र छठलाई लक्षित गरी सो योजना असोज १ देखि कात्तिक २५ सम्म लागू गरिएको थियो । योजनामा आठ हप्तासम्म हरेक हप्ता पाँच भाग्यशाली विजेताहरुले २० हजार रुपैयाँ हात पारिसकेकाछन् ।
नेपालमा वेस्टर्न युनियनका ७ वटा मुख्य एजेन्ट–एटीटी रेमिट, सीजी फिन्को, हुलास रेमिटान्स, माया रेमिट, नबिल बैंक, डिजिटेक र सूर्य रेमिट वा यिनका सहायक एजेन्टमार्फत रकम प्राप्त गरेका नेपाली ग्राहकलाई उक्त योजनामा सहभागी गराइएको थियो ।
