Logo
३ भाद्र २०७९, शुक्रबार
     Fri Aug 19 2022
E-paper
  English Edition
   Unicode
Logo

लगानीकर्ताले उठाएका विषयलाई सम्बोधन गर्न चार समिति गठन



२३ फागुन,काठमाडौँ  । उद्योग मन्त्रालयले लगानी सम्मेलनबाट लगानीकर्ताले उठाएका विषयलाई सम्बोधन गर्न चार समिति गठन गरेको छ । सम्मेलन फागुन १९ र २० गते काठमाडौंमा सम्पन्न भएको थियो ।

उद्योगमन्त्री नवीन्द्रराज जोशीले आज मन्त्रालयमा पत्रकार सम्मेलन गर्दै लगानी सम्मेलनमा विदेशी लगानीकर्ताले देखाएको इच्छालाई कार्यान्वयन गर्न आफ्नै अध्यक्षतामा विभिन्न मन्त्रालयका मन्त्री तथा सचिव सदस्य रहेको २१ सदस्यीय ‘विदेशी लगानीसम्बन्धी उच्चस्तरीय समिति’ गठन गरिएको जानकारी दिनुभयो ।

समितिमा वाणिज्य, पर्यटन, ऊर्जा, भौतिक पूर्वाधार तथा यातायातमन्त्री, उद्योग राज्यमन्त्री, उद्योग, वाणिज्य, ऊर्जा, पर्यटन, अर्थ मन्त्रालयका सचिवलगायत २१ सदस्य रहेका छन् ।

यसैगरी राष्ट्रिय योजना आयोगको उद्योग हेर्ने सदस्यको संयोजकत्वमा विदेशी लगानी नीतिसम्बन्धी उपसमिति गठन गरिएको छ । जसमा उद्योग, वाणिज्य, ऊर्जा, अर्थ, पर्यटन मन्त्रालयका सहसचिवलगायत ११ सदस्य रहेका छन् ।

यस्तै उद्योग मन्त्रालयका सचिव शङ्करप्रसाद कोइरालाको संयोजकत्वमा विदेशी लगानी प्रवद्र्धन उपसमिति गठन गरिएको छ । जसमा उद्योग, वाणिज्य, ऊर्जा, अर्थमन्त्रालयका सहसचिवलगायत ११ सदस्य रहेका छन् ।

यस्तै लगानी बोर्डका प्रमुख कार्यकारी अधिकृतको संयोजकत्वमा विदेशी लगानीसम्बन्धी परियोजना उपसमिति गठन गरिएको छ । जसमा उद्योग, वाणिज्य, ऊर्जा, अर्थमन्त्रालयका सहसचिवलगायत ११ सदस्य रहेका छन् ।

सम्मेलनमा मन्त्री जोशीले लगानी प्रवद्र्धनका लागि सजिलो बनाउन औद्योगिक व्यवसाय ऐनमा व्यवस्था भएको एकद्वार नीतिको कार्यान्वयनलाई यथाशीघ्र अगाडि लैजाने गरी प्रक्रिया सुरु गरिएको बताउनुभयो ।

उहाँले लगानी सम्मेलनमा नेपालमा लगानी गर्न इच्छा व्यक्त गर्ने लगानीकर्तालाई धन्यवाद दिँदै लगानीकर्तासँग निरन्तर समन्वय गरी जतिसक्दो चाँडो लगानी भित्र्याउन गठित समिति तथा उपसमितिले आजैबाट काम सुरु गरेको बताउनुभयो । रासस


यो खबर पढेर तपाईलाई कस्तो महसुस भयो ?

काठमाडौँ । वैदेशिक रोजगारीका लागि नेपाली युवा लाखौँ खर्चन बाध्य रहेको अवस्थामा मलेसियामा रहेको

दमौली । तनहुँको शुक्लागण्डकी नगरपालिका–२ कोत्रेस्थित गुहेखोलामा माछा मार्ने क्रममा करेन्ट लागेर बिहीबार बाबु–छोराको

काठमाडौं । आजको नेपाली बजारमा विदेशी मुद्राको भाउ यसप्रकार रहेकोछ । राष्ट्र बैंकको विदेशी