Sansar News
काठमाडौं । नेपाली कांग्रेसको नयाँ नेतृत्व चयनका लागि सोमबार सम्पन्न निर्वाचनको मतगणना जारी छ ।
शुक्रवारदेखि राजधानीको भृकुटी मण्डपमा जारी नेपाली कांग्रेसको १४ औं महाधिबेशन अन्तर्गत सोमबार भएको निर्वाचनमा सभापति पदका उम्मेदवार नेताहरुको नाममा खसेको मत गणना जारी रहेको छ ।
बिहान साढे सात बजसेम्म गणना गरिएको ३ हजार ७७ मतमा प्रधानमन्त्री समेत रहेका सभापतिका उम्मेदवार देउवाले १४६४ मत ल्याएर अग्रता कायम गरेका छन् ।
त्यसैगरी अर्का उम्मेदवार शेखर कोइरालाले पनि देउवालाई पछ्याइरहेका छन् । उनले ११३१ मत ल्याएका छन् भने अर्का उम्मेदवार प्रकाशमान सिंहले १७३ र कल्याण गुरुङले १२ मत ल्याएको मत परिणामले देखाएको छ ।
सोमबार खसेको ४ हजार ६७९ मत मध्ये हाल सभापतिका उम्मेदवारको नाममा खसेको मात्र मत गणना भइरहेको छ । कांग्रेसको विधान अनुसार सभापतिका उम्मेदवारले कूल खसेको मतमध्ये ५० प्रतिशत कटाएमा अर्थात् २३४० मत ल्याएमा विजयी हुनेछन् ।
मत गणना अनुसार सभापतिको उम्मेदवार रहेका ५ जनामध्ये देउवा र कोइरालाबीच नै मुख्य प्रतिस्पर्धा भएको ेदखिन्छ । यदी देउवा वा कोइरालामध्ये कसैले पनि २३४० मत प्राप्त गर्न सकेनन् भने सभापतिका लागि पुनः मतदान हुनेछ ।
वि.सं.२०७८ मंसिर २८ मंगलवार ०७:५४ मा प्रकाशित
