हामी सबैकाे संसारन्यूज

काठमाडौं । नेकपा एमालेका नेता डा. भिम रावलले एमसीसीमा कहि पनि ‘राष्ट्रघात’ देख्दिन भन्नु बाह्रय शक्तिप्रति प्रधानमन्त्रीको नांगो भक्ति भएको आरोप लगाएका छन् ।

आइतवार नेकपा माओवादी केन्द्रको आठौं महाधिबेशन उद्घाटका क्रममा प्रधानमन्त्री शेरबहादुर देउवाले एमसीसी सित्तैमा आएको र त्यसमा कहिपनि राष्ट्रघात भएको आफुले नेदेखेको भन्ने अभिव्यक्ति दिएपछि त्यसको सबैतिर आलोचना भइरहेको छ ।

‘प्रमं देउवाले एमसीसीसंगको सम्झौता अरूले नपढेको भन्दै सबैलाई मूर्ख ठान्ने सामन्ती दम्भ देखाउनु भएको छ । सम्झौतामा ’कहीं राष्ट्रघात नदेखेको’ र ’सित्तैमा आएको पैसा किन नलिने’ भन्नु नेपालको हित,स्वाधीनता र अधिकारमा आँच पुग्ने प्रावधानप्रति आँखा चिम्लेर वाह्य शक्तिको नांगो भक्ति हो ।’ डा. रावलले सामाजिक संजाल ट्विटरमा भनेका छन् ।

प्रमं देउवाले एमसीसीसंगको सम्झौता अरूले नपढेको भन्दै सबैलाई मूर्ख ठान्ने सामन्ती दम्भ देखाउनु भएको छ।सम्झौतामा ‘कहीं राष्ट्रघात नदेखेको’ र ‘सित्तैमा आएको पैसा किन नलिने’ भन्नु नेपालको हित,स्वाधीनता र अधिकारमा आँच पुग्ने प्रावधानप्रति आँखा चिम्लेर वाह्य शक्तिको नांगो भक्ति हो।

— Dr. Bhim Rawal (@BhimRawal179) December 27, 2021

डा. रावलले पनि मूल सम्झौतासंगै आधा दर्जन सम्झौता गरी नेपाललाई अमेरिकी सामरिक स्वार्थमा दुरूपयोग गर्न एमसीसी अन्तर्गत आउने रकमलाई ’सित्तैमा आएको’ भनी देशको प्रधानमन्त्रीले भन्नु जनता ठग्ने लज्जास्पद अभिव्यक्ति भएको बताएका छन् । डा. रावलले यस्तो कुरा नेपाल सार्वभौम,स्वाधीन र लामो सभ्यता भएको देश ठान्ने कसैले गर्नै नसक्ने समेत बताएका छन् ।