हामी सबैकाे संसारन्यूज

१
नाजुक सुन्दर छ्यौ तिमी फूलकी कली
नडुल एक्लै यो वन, छ्यौ अलि चन्चली ।
२
हेर उता आकाशमा पूर्ण उनी जूनमा
झैँ बसेकी तिम्रो मनमा ती तिम्रै धुनमा ।
३
हृदयमा रहेछ प्रीतको गुलाफ फुलेको
प्रेमिलता नि देखियो व्यवहारमा खुलेको ।
४
वसन्त जस्तै तिम्रो मायाँ पलाई
सारा पीर मनका दिएँ जलाई ।
५
भुटभुटिमै जीवन सकिने भयो तिम्रो
सतगुरु मिलुन् जाऊ आँखा बनाऊ चिम्रो ।
६
कसले सोसिदियो तिम्रो मुहारको खुशी
हाँस्न छोड्यौ पहेँलियो मुहार तिम्रो छुशी !
७
नजर तिम्रा वार्दलीको बर्षात् देख्छु
आमा ! हरदम तिमीमा माथ टेक्छु ।
८
आऊ न प्यारा यी महलहरूमा हराऊँ
मुना भुराको मनमा खुशीले भराऊँ ।
९
मन्दिर तिमी देवता नि तिमी मान्दछु
आमा तिमी नै मेरी जप ध्यान ठान्दछु ।
१०
मेरो देश मलाई प्राण भन्दा प्यारो लाग्छ
सिरान छ सगरमाथा दुःख ताप भाग्छ ।

पुष्पाशायरा, बिराटनगर