Sansar News
काठमाडौं । सत्तारुढ गठबन्धन दलका केही नेताहरुमा कोरोना संक्रमण पुष्टि भएपछि प्रधानमन्त्री शेरबहादुर देउवा र संचामन्त्री ज्ञानेन्द्र बहादुर कार्की पनि आइसोलेशनमा बसेका छन् ।
शनिवार नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेता नारायणकाजी श्रेष्ठ ‘प्रकाश’ मा कोरोना संक्रमण पुष्टि भएपछि प्रधानमन्त्री देउवा र संचारमन्त्री कार्की पनि होम आइसोलेशनमा बसेका हुन् । प्रधानमन्त्रीको सचिवालयका अनुसार बैठकमा संगै रहेका नेताहरुमा कोरोना पुष्टि भएपछि कन्ट्रयाक ट्रेसिङमा रहेका प्रधानमन्त्रीले शनिवारैदेखि भेटघाट बन्द गरेर आइसोलेशनमा बसेका छन् ।
जनाइए अनुसार प्रधानमन्त्री देउवा र संचारमन्त्री कार्की शनिवारै देखि होम आइसोलेशनमा रहेको र आज आइतवार उनीहरुको पिसीआर परीक्षण गर्ने बताइएको छ ।
मन्त्री कार्की होम आइसोलेशनमै बसेको र पिसीआर रिर्पोट आएपछि मात्र थप आइसोलेशन वा भेटघाट भन्ने कुराको टुंगो लाग्ने मन्त्री कार्कीको सचिवालयले जनाएको छ ।
प्रधानमन्त्री देउवाले शनिवारै नेकपा एमालेका अध्यक्ष केपी शर्मा ओलीलाई बालकोट पुगेर भेटेका थिए ।
प्रधामन्त्री र अध्यक्ष ओलीको भेटघाटमा संसदमा लामोसमयदेखिको अवरोध खुलाउनका लागि छलफल भएको बताइएको छ ।
वि.सं.२०७८ पुस २५ आइतवार ०९:१० मा प्रकाशित
