Sansar News
काठमाडौं । नेकपा एमालेको जिल्ला अधिवेशनले जिल्ला अध्यक्षमा सर्वसम्मत नेतृत्व चयनका लागि जोड दिएको छ ।
नेकपा एमालेका अध्यक्ष केपी शर्मा ओलीद्धारा शुक्रवार एकैसाथ भुर्चअल माध्यमबाट गरिएको ६१ जिल्ला अधिवेशनको उद्घाटन र शनिवारदेखि सुरु भएको बन्दसत्रले अहिलेसम्म २२ जिल्लाका नेतृत्व सर्वसम्मत गरेको बताइएको छ ।
नेकपा एमालेका अनुसार हालसम्म सर्वसम्मत नेतृत्व चयन भएका जिल्लाहरुमा प्रदेश १ को झापामा दिपक कार्की, मोरङमा ऋषिकेश पोखरेल, खोटाङमा रामप्रसाद दंगाल र धनकुटामा इन्द्रमणी पराजुली सर्वसम्मत भएका छन् ।
त्यस्तै प्रदेश २ मा सप्तरीमा ताराकान्त चौधरी सर्वसम्मत भएका छन् भने वागमतीको धादिङमा भुमि त्रिपाठी, काभ्रेपलाञ्चोकमा अशोक ब्यान्जु, भक्तपुरमा बचन देउजा, रसुवामा कर्णेल तामाङ सर्वसम्मत चयन भएका हुन् ।
त्यस्तै गण्डकी प्रदेशको गोरखामा प्रेम गुरुङ, तनहुमा श्रीप्रसाद श्रेष्ठ रहेका छन् भने लुम्बिनी प्रदेशमा पाल्पामा धनेन्द्रराज घिमिरे, गुल्मीमा बालसिंह काउछा मगर, अर्घाखाचीमा पिताम्बर भुसाल, बाँकेमा किस्मत कुमार कक्षपति, बर्दिया–लालवहादुर श्रेष्ठ दाङमा हुकुम बहादुर बस्नेत र रुपन्देहीमा तेजेन्द्र केसी सर्वसम्मत भएका छन् ।
त्यस्तै कर्णाली प्रदेशको डोल्पामा शेरवहादुर बुढा, सल्यानमा गोविन्द पुन मगर र गैरभौगोलिक जिल्लामा मजदूर विशेषमा जितेन्द्र श्रेष्ठ र पेशागत विशेष जिल्ला कमिटीमा उमेश ढकाल चयन भएका छन् ।
वि.सं.२०७८ पुस २५ आइतवार ०९:४२ मा प्रकाशित
