हामी सबैकाे संसारन्यूज

काठमाडौं । नेकपा (एमाले)का अध्यक्ष केपी शर्मा ओलीले विवादास्पद कम्पनी बतास समूहसँग आफ्नो नाम जोडेर गरिएको चर्चाप्रति आपत्ति जनाएका छन् । उनले सरकारी पक्षले आफ्नो भ्रष्टाचार लुकाउन बतास समूहलाई नक्कली ज्वाईँ खडा गरेको बताए ।

“सञ्चार माध्यममा बोलाएर म त केपी ओलीको ज्वाइँ हो भन्न लगाउनु भएछ, फोटो पनि खिचाउनु भएछ”, आइतबार झापा पुगेका ओलीले भनेका छन्, “‘मेरा त छोरी देशभरी छन्, छोरीसँग बिहे गर्ने जति सबै ज्वाइँ हुने भए, छोरासँग बिहे गर्नेजति सबै बुहारी, यस्ता कुरा लिएर आफ्नो भ्रष्टाचार छोप्न खोज्ने छन् अहिले सरकारमा ।”

सरकार आफैं भ्रष्टचार लुकाउन लागि परेको ओलीको भनाई छ ।

एक टेलिभिजनसँगको कुराकानीमा बतास समूहका आनन्द बतासले आफुँ शेरबहादुर देउवाको निकटस्थ रहेको बताउँदै झापाको भद्रपुर ससुराली भएकाले केपी ओलीले पनि ज्वाइँ भन्ने गरेको बताएका थिए ।

बतासलाई ओली नेतृत्वको तत्कालिन सरकारले नै नारायणहिटी जग्गा उपलब्ध गराएको थियो । बतासले बताएअनुसार तत्कालिन समय सेटिङकै आधारमा उनले जग्गा पाएका थिए ।