हामी सबैकाे संसारन्यूज

काठमाडौं । निर्वाचन आयोगले राष्ट्रियसभा सदस्य निर्वाचनका लागि उम्मेदवारको अन्तिम नामावली प्रकाशन गरेको छ । निर्वाचन कार्यक्रमअनुसार आइतबार सबै निर्वाचन अधिकृतहरूको कार्यालयमा उमेदवारको अन्तिम नामावली प्रकाशन गरिएको आयोगले जनाएको छ ।

आजै आयोगले उम्मेदवारलाई निर्वाचन चिह्न पनि दिएको छ ।

राष्ट्रिय सभाका १९ सदस्यका लागि आगामी माघ १२ गते हुने निर्वाचनमा ४३ उम्मेदवारले प्रतिस्पर्धा गर्दैछन् । राष्ट्रिय सभाका निर्वाचनका लागि सत्तारुढ गठबन्धनका दलहरुले भागबण्डा मिलाएर उम्मेदवारी दिएका छन्।

गठबन्धनमा रहेका दल नेपाली कांग्रेसले ६, नेकपा माओवादी केन्द्र र नेकपा एकीकृत समाजवादीले ५–५ तथा जनता समाजवादी पार्टीले २ र राष्ट्रिय जनमोर्चाले १ पदका लागि उम्मेदवारी दिएका छन्। यता प्रमुख प्रतिपक्षी दल नेकपा एमालेबाट सबै पदमा उम्मेदवारी परेको छ।

को–को छन् उम्मेदवार ? हेर्नुहोस् अन्तिम सूची