काठमाडौं । नारायणहिटी दरबार संग्रहालय सञ्चालन विकास समितिका कार्यकारी निर्देशक भेषनारायण दाहाललले राजीनामा दिएका छन् । मंगलबार संस्कृति, पर्यटन तथा नागरिक उड्डयन मन्त्रालयमा उनले राजीनामा बुझाएका हुन् ।
जग्गा ठेक्का प्रकरणमा छानबिन गर्न मन्त्रालयले बनाएको छानबिन समितिले दाहाललाई दोषी ठहर्याएको थियो । समितिले उनलाई कारवाही गर्न सिफारिस गरेको थियो ।
कारवाही सिफारिस भएको भोलिपल्ट नै दाहालले पदबाट राजीनामा दिएका हुन् । राजीनामा पत्रमा भने उनले ठेक्का प्रक्रियामा आफ्नो बचाउ गरेका छन् ।
२०७६ साल मंसिरमा तत्कालिन पर्यटनमन्त्री योगेश भट्टराईले दाहालले कार्यकारी निर्देशकको रुपमा नियुक्त गरेका थिए । विवादित रुपमा नियुक्ती पाएका दाहाल कार्यकालभरि विवादमा मात्रै मुछिएर गएका छन् ।
सम्बन्धित समाचार
नारायणहिटी प्रकरण : कर्मचारीलाई दोषी देखाउँदा मन्त्री र सचिवले कसरी पाए उन्मुक्ती ?
वि.सं.२०७८ पुस २७ मंगलवार १६:११ मा प्रकाशित