हामी सबैकाे संसारन्यूज

काठमाडौं । सरकारले व्यक्तिको सम्पूर्ण बैयक्तिक विवरण समेटिएको राष्ट्रिय परिचय–पत्र लागू गर्ने तयारी गरेको छ ।

केहि बर्ष पहिले पाँचथर र सिंहदरवारबाट सुरु गरेको राष्ट्रिय परिचय–पत्र बनाउने कार्य हाल देशव्यापि बनाईएको छ ।

सरकारले तोकेका ठाउँहरुमा गएर फोटो खिचाउने तथा आफ्नो बायोमेट्रिक गराउनु पर्ने अनिवार्य गराएको छ तर आवेदकले राष्ट्रिय परिचय–पत्र बनाउँने आवेदन चाहिं अनलाईनबाट नै भर्न सकिने बनाएको छ । हाललाई काठमाडाैं उपत्यककाे हकमा नारायणाहिटीमा रहेकाे पुरानाे राहदानी विभाग र अन्य जिल्लाकाे हकमा  जिल्ला प्रशासन कार्यालयहरुबाट बायोमेट्रिक गर्दा सहज हुने देखिएको छ ।

यसरी भर्नुहोस राष्ट्रिय परिचय पत्रको लागि आवेदन
सबैभन्दा पहिला यो लिंकमा क्लिक गर्नुहोस् । त्यसपछि दुईवटा अप्सन सहित वेलकम टु एनआइडी इनरोलमेन्ट सिस्टम डिस्प्ले हुन्छ । त्यसको पहिलोमा लगिन फर इन्डिभिड्युअल र दोस्रोमा लगिन फर सर्भिस प्रोभाइडर देखाउँछ ।

पहिलो अप्सन लगिन फर इन्डिभिड्युअलमा क्लिक गर्नुहोस् । त्यसमा तपाईको मोबाइल नं. हाल्नुहोस् र प्रोसेस सुरु गर्नुहोस् । तपाईंले आफ्नो मोवाइल नं. हालेर प्रोसेस सुरु गरेपछि सिस्टमले तपाईंको मोवाइलमा चार अंकको ओटीपि पठाउँछ । त्यो ओटिपिलाई इन्ट्रि गरेपछि तपाईंले त्यहाँ दिए अनुसारको विवरण भर्नुपर्छ ।

तपाईंले सम्पूर्ण विवरण भरिसकेपछि फोटो र बायोमेट्रिकको लागि तपाईंलाई पायक पर्ने ठाउँ छान्नुहोस् र तपाईं कहिले जाने हो मिति छानेर सर्च गर्नुहोस् । तपाईंलाई जुन दिन समय उपयुक्त हुन्छ सो दिन गएर बायो मेट्रिक गर्न सक्नुहुनेछ । बायो मेट्रिक गर्न जाँदा तपाईले भरेको अनलाइन फर्ममा भएको १३ अंकको सिरियल नंं लिएर जानुपर्ने हुन्छ ।

सम्पूर्ण काम सकेपछि सम्बन्धित कर्मचारीले परिचय-पत्र कहिले र कहाँबाट पाउनुहुने हो त्यसको जानकारी दिने छन् ।