हामी सबैकाे संसारन्यूज

२० माघ, काठमाडौँ । ‘कोरी’ नामक आँधीसंगै आएको उच्च हावाका कारण ब्रिटिस एयरवेजको जेट हिथ्रो एयरपोर्टमा सोमबार अवतरणको प्रयास रद्द गर्न बाध्य भएको छ ।

द गार्डियनका अनुसार सोमबार विमान एबरडीनबाट प्रस्थान गरेको ब्रिटिस एयरवेजको जेट बिए १६०७ कल साइनको विमान रनवेमा पुग्दा बायाँ तर्फबाट उच्च हावा झोक्काले हान्दा विमान अवतरण नै नगरी पुन आकाशमा उडेको थियो ।

बिग जेट टिभीले खिचेर द गार्डियनले प्रकासित गरेको भिडियोमा विमानको पछाडिको भाग लगभग जमिनमा ठोकिन पुगेको छ । पाइलटले अर्को अवतरण प्रयासको लागि उडान गर्नुअघि विमानलाई स्थिर गर्न र माथि लान सफल भएको पनि भिडियोमा देखिन्छ ।

‘हाम्रा पाइलटहरू खराब मौसमी अवस्थाहरू सहित परिदृश्यहरूको व्यवस्थापन गर्न तालिम प्राप्त छन् ।’ ब्रिटिश एयरवेजका प्रवक्ताले भने ‘हाम्रो उडान टोलीले विमानलाई सुरक्षित रूपमा अवतरण गर्न सफल भएको छ।’ उनका अनुसार पाइलटले दोस्रो पटक भने विमानलाई सुरक्षितरुपमा अवतरण गराएका थिए ।

गत साताको अन्त्यमा आएको हुरी सहितको ठूलो आँधीका कारण बेलायत भर ४५,००० भन्दा बढी घरमा बिजुली काटीएको थियो । त्यस्तै शनिबार स्टफर्डशायरमा रुख ढलेर एक ९ वर्षीय बालक र एबरडीनमा एक ६० वर्षीया महिलाको मृत्यु भएको थियो ।

हेर्नुहाेस् भिडियाे