हामी सबैकाे संसारन्यूज

काठमाडौं । नेकपा (एमाले)ले सांसद भीम रावललाई एमसीसीको विषयमा बोल्न दिएको प्रति आपत्ति जनाएको छ । दलीय सहमति नभइ बोल्न दिएको भन्दै एमालेले आपत्ति जनाएको हो ।

रावललाई बोल्न दिइएको प्रति आपत्ति जनाएको एमालेले सभामुख अग्निप्रसाद सापकोटाको ध्यानाकर्षण पनि गराएको छ । एमालेका प्रमुख सचेतक विशाल भट्टराई दलीय व्यवस्थालाई स्वीकार गर्न सभामुखलाई ध्यानाकर्षण गराएको बताए ।

“हामीले त्यसमा आपत्ति जनाएका छौं, सभामुखको ध्यानाकर्षण गराएका छौं”, प्रमुख सचेतक भट्टराईले भने, “एमालेको तर्फबाट निर्वाचित सांसदलाई दलीय सहमति नभइकन दलीय सहमति बेगर तपाईले बोल्न दिने कुरा दलीय व्यवस्था छ, यसविरुद्ध नउत्रिनुस भनेका छौं ।”

एमालेले एमसीसीको विषयमा कुनै निर्णय लिएको छैन् । तर, आइतबार बसेको संसद बैठकमा एमालेका अधिकांश सांसद वेलमा अन्य मुद्दालाई लिएर विरोधमा उत्रिरहेका बेला भीम रावलले एमसीसीको विषयमा बोलेका थिए ।

रावलले एमसीसी टेबल गर्नु आपत्तिजनक भएको बताएका थिए । उनले एमसीसीका प्रावधान राष्ट्र हितविरिुद्व भएको भन्दै निःशर्त खारेज हुनुपर्ने बताएका थिए ।