हामी सबैकाे संसारन्यूज

बाँके । बाँकेमा ट्रकको ठक्करबाट ड्युटीमा खटिएकी महिला प्रहरीको मृत्यु भएको छ ।

ओभर स्पिडमा आएको ना ३ ख ६४३६ नम्बरको ट्रक कोहलपुर चौराहमा पल्टिँदा च्यापिएर इलाका प्रहरी कार्यालय कोहलपरकम कार्यरत ३६ वर्षीया प्रहरी जवान कविता बिसीको मृत्यु भएको हो ।

आइतवार राति १० बजे तिर तिब्र गतिमा आएको ट्रक चौरहामा मोड्ने क्रममा बिसीलाई च्यापेको जिल्ला प्रहरी कार्यालय बाँकेका प्रहरी प्रवक्ता मधुसुदन न्यौपानेले जानकारी दिएका छन् ।

ट्रकले च्यापिएलगत्तै उपचारका लागि कोहलपुरस्थित नेपालगन्ज मेडिकलमा पुर्याएकी बिसीलाई चिकित्सकले मृत घोषणा गरेका थिए ।

प्रहरीका अनुसार अनुसार मोडमा चालकले ट्रक मोड्न नसक्दा उक्त दुर्घटना हुन पुगेको बताइएको छ ।

ट्रकले किचिएर भे ८ ब ४०६८ र भे १० प ४६२४ नम्बरको दुई थान स्कुटीसमेत पूर्ण रुपमा क्षति भएको प्रहरी निरीक्षक हिमालय शाहले बताए । उनका अनुसार ट्रक चालक बबई गाउँपालिका वडा नं ६ दाङ निवासी लोकराज केसीलाई इलाका प्रहरी कार्यालय कोहलपुरले नियन्त्रणमा लिएको छ ।