हामी सबैकाे संसारन्यूज

काठमाडौं । नेकपा माओवादी केन्द्रले स्थानीयतहको निर्वाचनलाई प्रभावकारी बनाउनका लागि त्यसको तयारी थाल्न भन्दै प्रदेश समितिहरुलाई परिपत्र गरेको छ ।

पार्टीको केन्द्रीय समितिको बैठकबाट विस्तृत योजना र कार्यक्रम नबन्दासम्म संगठनात्मक काम र स्थानीयतहको निर्वाचनको तयारीको कामलाई प्रभाव कारी बनाउन परिपपत्र जारी गरेको हो ।

विभागलाई पूर्णता दिन निर्देशन
उक्त परिपत्रमा संगठन सुदृढीकरण तथा विस्तार सम्बन्धमा सम्बन्धमा जिल्ला समन्वय समिति, नगर÷गाउँ, वडा लगायत सबै तहका पार्टी समितिहरु र विधानले व्यवस्था गरे बमोजिम सबै तहका जेष्ठ कम्युनिष्ट मन्च, सल्लाहकार समिति, परिषद र विभागलाई पूर्णता दिन निर्देशन दिइएको छ ।

त्यसैगरी एक वडा न्यूनतम तीन टोल, एक टोल न्यूनतम् तीन सेल हुनुपर्ने पार्टीको निर्णयलाई लागु गर्र्दै संबै संगठित सदस्यलाई पार्टी समिति, विभाग र निकायहरुमा संगठित गर्ने । एक संगठित सदस्य बराबर न्यूनतम् दुई पार्टी सदस्य हुने गरी पार्टी सदस्यता वितरणलाई व्यापक बनाउने । साथै आवस्यकता अनुसार नयाँ संगठित सदस्यता समेत वितरण गर्न पनि परिपत्र गरिएको छ ।

त्यसैगरी सवै जवस, मोर्चा, पेशागत संगठनहरुले समेत संगठनात्मक र अन्य राजनीतिक गतिबिधिलाई नगर÷गाउँ, वडा र टोलहरुमा केन्द्रीत गर्ने र सोहि अनुसारको कार्यविभागन गर्न परिपत्र गरिएको छ ।
यस्तो छ परिपत्र