Sansar News
१२ फागुन, काठमाडौँ । आईसीसी टी–२० विश्वकप ग्लोबल छनोट ‘ए’ मा तेस्रो स्थानको लागि आज नेपाल र ओमान भिड्दैँ छन ।
नेपाल र ओमान दुवै टिम सेमिफाइनलमा पराजित हुदैँ आईसीसी टी–२० विश्वकप ग्लोबल छनोटबाट बाहिरिएका थिए । नेपाल आफ्नो सेमिफाइनल खेलमा युएईसँग ६८ रनले पराजित भएको थियो भने ओमान आयरल्याण्डसँग ५६ रनले पराजित भएको थियो ।
ओमानविरुद्ध जित निकाल्दै नेपाल प्रतियोगिताको सुखद् अन्त्य गर्ने सोचमा रहेको छ । नेपाल र ओमानबीचको खेल नेपाली समय अनुसार ३:४५ बाट सुरु हुनेछ ।
ओमान विरुद्ध नेपालको सम्भावित प्लेइङ्ग-११
कुशल भुर्तेल, आसिफ शेख, ज्ञानेन्द्र मल्ल, दीपेन्द्रसिंह ऐरी, आरिफ शेख, लोकेश बम, विवेक यादव, कमलसिंह ऐरी, सन्दीप लामिछाने, अविनाश बोहरा र जितेन्द्र मुखिया ।
वि.सं.२०७८ फागुन १२ बिहीवार १०:४७ मा प्रकाशित
