हामी सबैकाे संसारन्यूज

काठमाडौं । नेपाल राष्ट्र बैंकले वोमी लघुवित्त वित्तीय संस्था र सूर्योदय लघुवित्त वित्तीय संस्थाबीचको मर्जर प्रस्ताव स्वीकृत गरेको छ ।

दुबै लघुवित्तले १ बराबर १ अनुपातमा मर्ज हुने प्रस्ताव साधारणसभाबाट पारित गराइसकेका छ्न् । लघुवित्तहरुबीच गत भदौ १५ मा मर्जरसम्बन्धी प्रारम्भिक सम्झौता भएको थियो । पुस २९ गते दुवै लघुवित्तबीच मर्जर बारे सम्झौतापत्रमा हस्ताक्षर भएको थियो ।

वोमी लघुवित्तको हाल चुक्तापूँजी ४१ करोड १९ लाख रुपैयाँ रहेको छ भने सुर्योदय लघुवित्तको २४ करोड ८० लाख रुपैयाँ चुक्तापूँजी रहेको छ । सम्झौताअनुसार मर्जरपछि बन्ने संस्थाको नाम सुर्योदय वोमी लघुवित्त वित्तीय संस्था हुनेछ । हाल सुर्योदयका सीईओ मर्जरपछि बन्ने संस्थाको सीईओ र हाल ओमीका सीइओ मर्जरपछि बन्ने संस्थाको डेपुटी सीईओ बन्ने गरी समझदारी बनेको जनाइएको छ ।