हामी सबैकाे संसारन्यूज

काठमाडौं । सत्तारुढ नेकपा (माओवादी केन्द्र)ले पाँच दलीय गठबन्धन जोगाउन अन्तिम प्रयास गर्ने निर्णय गरेको छ । शुक्रबार बिहानदेखि पार्टी अध्यक्ष पुष्पकमल दाहाल ‘प्रचण्ड’ निवास बालुवाटारमा बसेको बैठकले यस्तो निर्णय गरेको हो ।

बैठकले प्रमुख प्रतिपक्षी नेकपा एमालेसँग निरन्तर संवादमा रहेको नेपाली कांग्रेससँग एक पटक निर्णायक छलफल गर्ने निर्णय गरेको छ । बैठकले सत्ता गठबन्धन नजोगिए सडक संघर्षमा जाने निर्णय पनि गरेको नेता हरिबोल गजुरेलले जानकारी दिए ।

“यथास्थितिमा पारित गर्न सकिँदैन, हामी विपक्षमा मत हाल्छौं”, बैठकका निर्णयबारे नेता हरिबोल गजुरेलले भनेका छन्, “तर जुन उद्देश्यले गठबन्धन बनेको हो, त्यो अझै परिपूर्ति भएको छैन । त्यसैले गठबन्धन जोगाउनुपर्छ कोसिस गरौं भन्ने भएको छ ।”

बैठकमा पार्टी अध्यक्ष प्रचण्डले प्रधानमन्त्री शेरबहादुर देउवा र एमाले अध्यक्ष केपी शर्मा ओलीसँग भएको पछिल्लो संवादको बारेमा जानकारी गराएका थिए । बैठकमा बोल्ने अधिकांश नेताहरुले एमसीसीको विपक्षमा उभिनुपर्ने सुझाब दिएको नेता गजुरेलले बताए ।

सम्बन्धित समाचार

सरकार छाड्ने तयारीमा माओवादी केन्द्र, खुमलटारमा बिहानैदेखि छलफल