हामी सबैकाे संसारन्यूज

काठमाडौं । प्रधानमन्त्री शेरबहादुर देउवा एमालेका अध्यक्ष केपी शर्मा ओलीलाई भेट्न बालकोट पुगेका छन् ।

प्रधानमन्त्री देउवा एमसीसीका विषयमा छलफल गर्नका लागि सूचना तथा संचारमन्त्री ज्ञानेन्द्र कार्कीसहित विपक्षी नेता भेट्न बालकोट पुगेका हुन् ।

यसअघि बिहीबार भएको भेटमा प्रधानमन्त्री देउवाले संसदमा टेवुल भएको एमसीसी अनुमोदनका लागि सहयोग गर्न गरेको आग्रहमा सभामुख अग्नि सापकोटाको राजिनामा र माधव नेपालसहित १४ सांसदको कारबाहीको पुरानै अडान दोहोर्याएर ओली बालुवाटारबाट बाहिरीएका थिए ।

सोहि बैठकको निरन्तरता स्वरुप आजपनि ओली र देउवाबीच भेटवार्ता भएको बताइएको छ ।

प्रधानमन्त्री देउवाले बालकोट जानुअघि माओवादी केन्द्रका नेता पुष्पकमल दाहाल ‘प्रचण्ड’सँग पनि वार्ता गरेका थिए । त्यसलगत्तै उनी बालकोट पुगेका हुन् ।

यसअघि प्रचण्ड निवास खुमलटारमा बसेको माओवादी केन्द्रका नेताहरुको बैठकले एमसीसीको विपक्षमा मत हाल्ने पार्टीको निर्णय यथावत रहने निर्णय गरेको बताएको थियो ।