हामी सबैकाे संसारन्यूज

काठमाडौं । व्याख्यात्मक घोषणासहित एमसीसी सम्झौता पारित गर्ने सत्ता गठबन्धनको निर्णयप्रति माओवादी केन्दका नेता नारायणकाजी श्रेष्ठले आपत्ति जनाएका छन् । गठबन्धन निर्णय गरेलगत्तै सामाजिक सञ्जालमार्फत उनले आफ्नो असहमति व्यक्त गरेका हुन् ।

“५ दलीय गठबन्धनमा अध्यक्ष कड्ड प्रच्ण्डले व्याख्यात्मक घोषणासहित एमसिसि सम्झौता अनुमोदन गर्ने जानाकारी गराउनु भएको छ, यो निर्णयप्रति मेरो गम्भीर असहमति र आपत्ति रहेको छ”, उनले भनेका छन् ।

गठबन्धनको बैठकमै श्रेष्ठलगायत अन्य नेताहरुले व्याख्यात्मक घोषणासहित पारित गर्ने निर्णयको विरोध जनाएका थिए । नेता श्रेष्ठका अनुसार व्याख्यात्मक घोषणासहित एमसीसी पारित गर्ने निर्णय माओवादी केन्द्रको महाधिवेशनको विरुद्व छ र यो गलत छ ।

नेता श्रेष्ठले एमसीसी संशोधन बिना कुनै हालतमा पारित गर्न नहुने बताउँदै आएका छन् । एमसीसी सम्झौता राष्ट्रघाती भएको भन्दै श्रेष्ठ सडक आन्दोलनमा समेत सहभागी भएका थिए ।