हामी सबैकाे संसारन्यूज

काठमाडौं । अमेरिकी सहायता परियोजना एमसीसी आजकै संसद बैठकबाट अनुमोदन गरिने भएको छ । आइतबार बिहान बसेको गठबन्धन बैठकले सैद्धान्तिक छलफलपछि उठेका प्रश्नमा सरकारले जवाफ दिएपछि दोस्रो बैठक राखेर पारित गर्ने निर्णय गरेको हो ।

“व्याख्यात्मक टिप्पणीसहित संसदमा पेश गरेर आजै एमसीसी पारित गर्न गठबन्धन सहमत भयो, आजकै दोस्रो बैठकले एमसीसी पारित गर्छ”, कांग्रेस नेता रामचन्द्र पौडेलले बैठकको निर्णयबारे भनेका छन् ।

गठबन्धनको बैठकमा एकीकृत समाजवादीका अध्यक्ष माधव नेपालले पार्टीमा निर्णय गर्न बाँकी रहेको भन्दै समय माग गरेका थिए । तर, समय नभएको भन्दै आजै पारित गर्ने निर्णय गरिएको नेता पौडेलले बताए ।

०७६ असार ३० मा प्रतिनिधिसभामा दर्ता भएको यो सम्झौता गत फागुन ८ मा टेबल गरिएको थियो । तर, सत्ता साझेदार दलहरुभित्रै सहमति जुट्न नसक्दा अनुमोदनको प्रक्रियामा अगाडि बढ्न सकेको थिएन । पछिल्लो सम्झौतासँगै एमसीसी पारित हुने निश्चित देखिएको छ ।

सम्बन्धित समाचार

व्याख्यात्मक टिप्पणीसहित एमसीसी अनुमोदन गर्ने माओवादी केन्द्रको निर्णय