हामी सबैकाे संसारन्यूज

काठमाडौं । नेकपा माओवादी केन्द्रले व्याख्यात्मक टिप्पणीसहित एमसीसी अनुमोदन गर्ने निर्णय गरेको छ ।

पार्टीका अध्यक्ष पुष्पकमल दाहाल ‘प्रचण्ड’ निवास खुमलटारमा बसेको पार्टीको पूर्वस्थायी कमिटीको बैठकले बहुचर्चित एमसीसी सम्झौता ‘व्याख्यातामक टिप्पणी’ सहित अनुमोदन गर्ने निर्णय गरेको बताइएको छ ।

एमसीसीकै कारण गठबन्धन अप्ठेरोमा पर्दै जान थालेको तथा प्रधानमन्त्री शेरबहादुर देउवाले एमसीसीमा सघाउन एमालेसँग निरन्तर वार्ता गर्दै आएको अवस्थामा माओवादी केन्द्र र एकिकृत समाजवादीले गठबन्धन जोगाउनकै लागि केही लचकता अपनाएका देखिन्छ ।

शनिबार बसेको माओवादी केन्द्र, एकिकृत समाजवादी पार्टीको संयुक्त बैठकले एमसीसी सम्झौताका केही बुँदामा रहेका प्रश्नमा ‘व्याख्यात्मक घोषणा’ सहित प्रतिनिधिसभाबाट अनुमोदन गराउन सकिने निष्कर्षमा पुगेका थिए ।

माओवादी केन्द्रको आज बसेको बैठकले त्यहि निर्णयलाई अन्तिमरुप दिएका हुन् भने एकिकृत समाजवादीको पनि बठक बसिरहेको छ ।

आज बस्ने प्रतिनिधिसभाको बैठकको छलफलमा एमसीसी प्रवेश गराइनेछ ।