हामी सबैकाे संसारन्यूज

काठमाडौं । नेकपा माओवादी केन्द्रका नेता लेखनाथ न्यौपानेले पार्टीको आज बसेको भनिएको केन्द्रीय बैठकको कुनै बैद्यानिकता नभएको बताएका छन् ।

नेता न्यौपानेले केन्द्रीय समितिको बैंठक पटक–पटक स्थगित गरिदै आएको र महाधिवेशनपछि पार्टीको केन्द्रीय समिति र अध्यक्ष मात्र बनेको अबस्थामा हालको केन्द्रीय समितिको निर्णय बाहेक अरुले गर्ने निर्णय अधिकारिक नहुने बताएका छन् ।

‘एकातिर केन्द्रीय समितिको बैठक बसाल्दै नबसाल्ने अर्कोतिर एमसीसी जस्तो मुलुकलाई दीर्घकालीन असर पार्ने गम्भीर बिषयमा अध्यक्षले एकल निर्णय गर्दै पार्टीलाई कांग्रेस, एमाले जस्तै राष्ट्रघाती पार्टीको कित्तामा उभ्याउने ?’ नेता न्यौानेले प्रश्न गरेका छन् ‘यसको मारमा देश, जनता, पार्टी र पार्टीका कार्यकर्ता पर्नुपर्ने । हालको नेकपा (माओवादी केन्द्र) मा केन्द्रीय समितिको निर्णय बाहेक अरुले गर्ने निर्णय अधिकारिक हुँदैन् । आज बिहान बसेको भनिएको बैठकको कुनै बैधानिकता छैन ।’

नेता न्यौपानले माओवादी राष्ट्रघात गर्ने पार्टी नभएको बताउँदै पार्टी एकाध व्यक्तिको निजी क्लब नभएको भन्दै आक्रोश व्यक्त गरेका छन् ।