हामी सबैकाे संसारन्यूज

काठमाडौं । विभिन्न जिल्लाबाट काठमाडौं आइ अध्ययन गरिरहेका विद्यार्थीहरुलाई निःशुल्क रुपमा इन्डक्सन चुलो लिनका लागि आवेदन दिन आव्हान गरिएको छ ।

उर्जा, जलश्रोत तथा सिँचाइ मन्त्रालयको वैकल्पिक उर्जा प्रर्वद्धन केन्द्रले बुधवार एक सूचना जारी गर्दै दुर्गम क्षेत्रबाट काठमाडौं उपत्यकामा आइ घर भाडामा लिइ सरकारी वा सामुदायिक शिक्षण ंस्थामा स्नातक र स्नाकोत्तर तहमा अध्ययन गर्ने विद्यार्थीहरुलाइ आवेदन दिन आव्हान गरिएको हो ।

केन्द्रले एलपी ग्याँसको बढ्दो मूल्यको समस्यामा राहतको महसुस गराउन र विद्याुतीय चुलोको पनि प्रबद्र्धन गर्नका लागि भन्दै विभिन्न कागजातसहित निवेदन दिन आव्हान गरेको हो ।

केन्द्रले विद्यार्थीहरुलाई नागरिकताको प्रमाणपत्रको प्रतिलिपि, शिक्षण संस्थाको विद्यार्थी परिचयपत्र र सिफारिस सहित फारम भर्न अनुरोध गरेको हो ।