हामी सबैकाे संसारन्यूज

काठमाडौं । राष्ट्रिय सभाका २० सदस्यहरुको कार्यकाल शुक्रबारदेखि सकिँदैछ । २०७४ सालमा गठन भएको राष्ट्रिय सभाका सदस्यहरुमध्ये चार वर्षे पदावधि कायम भएकाहरुको पदावधि सकिन लागेको हो। निर्वाचित भएका १९ र राष्ट्रपतिले मनोनित गरेका एक जनाको पदावधि सकिन लागेको हो।

निर्वाचित भएका १९ जनाको स्थान पूर्तिको लागि गत माघ १२ मै निर्वाचन सम्पन्न भइसकेको छ। उनीहरुको सपथ कार्यक्रम शनिबारका लागि तोकिएको छ। राष्ट्रपतिबाट मनोनित एक जना बिडारीको स्थानमा भने मनोनित हुन बाँकी छ।

आजबाट विदा हुने सांसदमा एमालेका अगमप्रसाद वान्तवा राई, कविता बोगटी, कोमल वली, चक्रप्रसाद स्नेही, नैनकला ओझा, परशुराम मेघी गुरुङ, रामलखन चमार र सुमनराज प्याकुरेल रहेका छन् ।

कांग्रेसका दृगनारायण पाण्डे, तारादेवी भट्ट, राधेश्याम अधिकारी पनि आजबाट राष्ट्रिसभाबाट बाहिरिँदैछन् । यस्तै, नेकपा माओवादी केन्द्रका खिमकुमार विक, जीवन बुढा, दीनानाथ शर्मा र शशीकला दाहालको पदावधि पनि आजबाट सकिँदैछ ।
नेकपा एकीकृत समाजवादीका उदया शर्मा पौडेल, ठगेन्द्रप्रकाश पुरी, शान्तिकुमारी अधिकारी जिसी र शेरबहादुर कुँवरको पद पनि आजबाट समाप्त हुँदैछ । मनोनित सांसद रामनारायण विडारी पनि राष्ट्रियसभावाट आजै बिदा हुनेछन् ।