हामी सबैकाे संसारन्यूज

काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले सत्ता गठबन्धन आगामी चुनावसम्म नै जाने निश्चित भएको बताएका छन् । पार्टीको केन्द्रीय समिति बैठकलाई सम्बोधन गर्दै उनले एमसीसी पारितसँगै गठबन्धनभित्र देखिएको अन्योलता पनि अन्त्य भएको बताए ।

मुलुकको राजनीतिकले सही बाटो समातेको पनि प्रचण्डको दाबी छ । “गठबन्धन टुट्ने हो कि राष्ट्रिय राजनीति नै फेरि अन्योल र प्रतिगमनतिरै जाने हो कि भन्ने महसुश गरिएको थियो”, बैठकमा प्रचण्डले भनेको उद्र्धत गर्दै एक नेताले भनेका छन्, “अबचाहिँ गठबन्धन पनि निर्वाचनसम्म सुरक्षित रहने करिब निश्चित भयो । यसले राजनीतिलाई गलत दिशामा जाने अवस्थाबाट जोगायो ।”

उनले गठबन्धन जोगाउनुपर्ने पर्ने, एमसीसी पनि अनुमोदन गर्नुपर्ने बाध्यता रहेकाले व्याख्यात्मक घोषणासहित अनुमोदन गरिएको बताएका छन् । उनले यो बाध्यता बुझिदिन केन्द्रीय कमिटीलाई आग्रह गरेका छन् ।

प्रचण्डले व्याख्यात्मक घोषणाले एमसीसीमाथि रहेका आशंकाहरु मेटेको समेत दाबी गरेका छन् । प्रचण्डले केन्द्रीय समिति बैठकमा एमसीसी स्वीकार गर्ने प्रस्ताव राखेका छन् । उक्त प्रस्तावमाथि नेताहरुले बोल्ने क्रम केही समयपछि सुरु हुने एक केन्द्रीय सदस्यले बताए ।

सम्बन्धित समाचार

दुई घण्टा ढिला गरी सुरु भयो माओवादी बैठक, एमसीसीले पूर्वनिर्धारित एजेण्डा प्रभावित