हामी सबैकाे संसारन्यूज

काठमाडौं । नेकपा (माओवादी केन्द्र)को केन्द्रीय समिति बैठकमा पार्टी प्रवक्ता कृष्णबहादुर महरासहित चार नेताले एमसीसीको विषयमा लिखित असहमति प्रस्तुत गरेका छन् । प्रवक्ता महरासहित नेताहरु देव गुरुङ्ग, गिरिराजमणि पोखरेल र लिलामणि पोखरेलले लिखित असहमति जनाएका हुन् । नेताहरु एमसीसी राष्ट्रघाती भएको बताएका छन् ।

बैठकमा राखिएको लिखित अहसमतिबारे बोल्दै नेता देव गुरुङले भने, “एमसीसी रिजेक्ट हुनु पर्ने हो। यो राष्ट्रघाती सम्झौता नै हो। तर, व्याख्यात्मक घोषणा भन्दै गलत रुपमा पारित गरियो ।”

उनले व्याख्यात्मक घोषणाको कानूनी अर्थ नरहेको बताए । नेताहरुले आफ्नो मत दर्ज गर्ने तर, पार्टीको निर्णय भने स्वीकार गरेर जाने बताएका छन् ।

बैठकमा नेता नारायणकाजी श्रेष्ठले एमसीसी पारित गरिनु गलत भएको भन्दै विरोध जनाएका थिए । उनले पार्टी अध्यक्ष पुष्पकमल दाहाल ‘प्रचण्ड’को कार्यशैलीप्रति पनि विमती जनाए ।