हामी सबैकाे संसारन्यूज

२२ फागुन, काठमाडौँ । न्यूजिल्याण्डमा जारी आईसीसी महिला एकदिवसीय विश्वकपमा भारतले विजयी सुरुवात गरेको छ । भारतले आफ्नो पहिलो खेलमा पाकिस्तानलाई १०७ रनले पराजित गरेको हो ।

टस जितेर पहिले ब्याटिङ्ग गरेको भारतले ५० ओभरमा ७ विकेट गुमाएर २४४ रन बनाएको थियो । भारतका लागि ब्याटिङ्गमा पूजा वस्त्रकारले सर्वाधिक ६७ रनको पारी खेलेकी थिइन । त्यसैगरी, स्नेहा राणाले अविजित ५३, स्मृति मन्धानाले ५२, दीप्ती शर्माले ४० रन रन बनाएकी थिइन् । पाकिस्तानका लागि बलिङ्ग तर्फ भने नशरा सन्धु र निदा डारले सर्वाधिक २ २ विकेट हात पारेकी थिए ।

२४५ रनको लक्ष्य पछाएको पाकिस्तानले पुरै ५० ओभर पनि ब्याटिङ्ग गर्न सकेन । पाकिस्तानको टिम ४३ ओभरमा १३७ रन बनाएर अलआउट हुन पुगेका थियो । पाकिस्तानका लागि सिद्रा आमिनले सर्वाधिक ३० रन बनाएकी थिइन् भने भारतका लागि बलिङ्गमा राजेश्वरी गायकवाडले सर्वाधिक ४ विकेट हात पारेकी थिइन ।

जितसँगै भारतले पहिलो खेलबाट २ अकं जोड्को छ ।