हामी सबैकाे संसारन्यूज

२३ फागुन, काठमाडौँ । आईसीसी विश्वकप लिग–२ अन्तगर्तको त्रिकोणात्मक श्रृखलाको तयारीका लागि नेपाली राष्ट्रिय क्रिकेट टोलीले र श्रीलंका नेभी बिचको पहिलो अभ्यास खेलमा नेपाल १११ रनले विजयी भएको छ ।

नेपालले दिएको २१५ रनको लक्ष्य पछाएको श्रीलंका नेभीको टिम २८.५ ओभरमा १०३ रन बनाएर अलआउट हुन पुगेको हाे । नेपालका लागि बलिङ्गमा कप्तान सन्दिप लामिछानेले ७.५ ओभरमा १८ रन खर्चेर सर्वाधिक ३ विकेट लिएका थिए । त्यसैगरी ज्ञानेन्द्र मल्ल र बिक्रम सोबले २/२ विकेट लिएका थिए भने करण केसी, सागर ढकाल र कमलसिंह ऐरीले पनि १/१ विकेट लिएका थिए ।

यसअघि टस जितेर पहिले ब्याटिङ्ग गरेको नेपाली टिम ३७.१ ओभरमा २१४ रन बनाएर अलआउट भएको थियो । नेपालका लागि ब्याटिङ्गमा दिपेन्द्रं सिंह ऐरीले सर्वाधिक ४३ रन बनाएका थिए । त्यसैगरी कुशल भुर्तेलले १३, आसिफ शेखले ३६, ज्ञानेन्द्र मल्लले २, विनोद भण्डारीले २२, करण केसीले १६, रोहितकुमार पौडेलले १३, कमलसिंह ऐरीले १५, सन्दीप लामिछानले ११, सागर ढकालले १३ र बिक्रम सोबले ११ रन बनाएका थिए ।