Sansar News
काठमाडौं । नेपालमा आज १९४ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ६ हजार ३९४ नमुना परीक्षणमा १९४ जना कोरोना संक्रमित थपिएका हुन् ।
आज थपिएका १९४ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ७७ हजार ६४१ पुगेको छ । ती मध्ये आज निको भएका ३४८ जनासँगै हालसम्म निको हुनेको संख्या ९ लाख ५९ हजार ८१७ पुगेको छ ।
त्यसैगरी आज थपिएका १ जनासँगै हालसम्म ११ हजार ९४९ जनाको कोरोना संक्रमणबाट मृत्यु भएको छ ।
नेपालमा हाल ५ हजार ८७५ जना कोरोनाका सक्रिय संक्रमित रहेकामा ५ हजार ७४५ जना होम आइसोलेशन र संस्थागत आइसोलेशनमा १३० रहेका छन् । साथै ४२ जना आइसीयु र ५ जना भेन्टिलेटरमा उपचाररत छन् । त्यसैगरी नेपालमा थप २ लाख ३ हजार ६२५ मात्रा कोरोनाविरुद्धको खोप लगाइएको छ ।
वि.सं.२०७८ फागुन २४ मंगलवार १६:५५ मा प्रकाशित
