हामी सबैकाे संसारन्यूज

काठमाडौं । युक्रेनका राष्ट्रपति भोलोडिमिर जेलेन्स्कीले युक्रेन अब नेटोको सदस्य राष्ट्र नहुने बताएका छन् । उनी स्वघोषित क्षेत्र (डोनेट्स्क र लुहान्स्क) को विषयमा पनि सहमति गर्न तयार भएका छन् ।

जसलाई राष्ट्रपति भ्लादिमिर पुटिनले फेब्रुअरी २४ मा यूक्रेनमाथि आक्रमण सुरु हुनु अघि स्वतन्त्र राज्यको घोषणा गर्दै मान्यता दिने निर्णय गराएका थिए । यी नै रुस र युक्रेनबीचको युद्धको मूल कारण मानिन्छन् । रुसलाई शान्त पार्ने उद्देश्यले जेलेन्स्कीले यस्तो निर्णय लिएका हुन् ।

मिडिया रिपोर्टका अनुसार जेलेन्स्कीले नेटोको सदस्यता पनि नलिने घोषणा गरेका छन् । क्षेत्रीय राजनीतिको मागअनुसार नेटोको सदस्यता लिन आवश्यक नभएको उनले भनेका छन् ।

नेटोमा आवद्ध हुने निर्णयसँगै रुस बेखुसी

रुसले छिमेकी युक्रेन नाटोमा सामेल नहोस् भन्ने चाहना राखेको छ । रसियाले नाटो विस्तारलाई खतराको रूपमा हेरेको छ । रसियाले पूर्व सोभियत संघबाट विभाजित भएका वा रुसको छिमेकी देशहरु नेटोमा आवद्ध हुन नपाइने भनिरहेको छ ।

दुवै क्षेत्रलाई राज्य मान्न तयार

युक्रेनमा आक्रमणको आदेश दिएर विश्वलाई चकित पार्ने केही समय अघि, पुटिनले पूर्वी युक्रेनको डोनेस्क र लुहान्स्कलाई स्वतन्त्र घोषणा गरे। अब पुटिन युक्रेनले ती दुवै राज्यलाई स्वतन्त्र राष्ट्रको रूपमा मान्यता दिओस् भन्ने चाहन्छन्। यस सम्बन्धमा जेलेन्स्कीले आफू वार्ताका लागि तयार रहेको बताएका छन् । जलेन्स्कीको पछिल्लो घोषणालाई उक्त क्षेत्र शान्ति कायम हुने सम्भावनाको रुपमा बुझिएको छ ।