हामी सबैकाे संसारन्यूज

फर्शुराम भुर्तेल, पर्वत । पर्वतको बिहादी गाउँपालिकाको नवनिर्मित भवनको मंगलबार उद्घाटन गरिएको छ । प्रमुख अतिथि रहेका राष्ट्रियसभा अध्यक्ष गणेश तिमिल्सीनाले उक्त भवनको उद्घाटन गरेका हुन् ।

२०७७ जेठदेखि निर्माण कार्य सुरु गरे २०७८ माघमा सम्पन्न भएको उक्त भवन ३ करोड १५ लाख ५५ हजार ८०० रुपैयाँ खर्चमा निर्माण सम्पन्न भएको विहादी गाउँपालिकाका प्रमुख प्रशासकीय अधिकृत ध्रुव दयालले जानकारी दिएका छन् ।

राष्ट्रियसभा अध्यक्ष गणेश तिमिल्सीनाको प्रमुख आतिथ्यता रहेको उक्त कार्यक्रममा संविधानसभा सदस्य गुणाखर बस्याल, पूर्वमन्त्री तथा गण्डकी प्रदेशका सांसद विकास लम्साल, प्रमुख जिल्ला अधिकारी देबी कुमारी पाण्डे खत्री लगायतले शुभकामना मन्तव्य राखेका थिए ।

त्यसैगरी मोदि गाउँपालिका अध्यक्ष प्रेम प्रसाद पौडेल, पैयु गाउँपालिका खगेन्द्र तिवारी, बिहादी गाउँपालिकाका अध्यक्ष कमल प्रसाद भुसाल माओवादी केन्द्र बिहादीका अध्यक्ष रिखि राम भुसाल, नेकपा एमालेका अध्यक्ष याम कुँवर, नेपाली काङ्ग्रेस सभापति बिस्नु प्रसाद भुसाल, लगायत सम्पूर्ण वडा कार्यालयका अध्यक्ष, कार्यपालिका सदस्यहरुको उपस्थितिमा भव्यरुपमा पालिकाको भवन उद्घाटन गरिएको हो ।

कार्यक्रममा प्रमुख अतिथिद्धारा जग्गादाताहरुलाई प्रसंसापत्र वितरण गरिएको थियो ।