हामी सबैकाे संसारन्यूज

२ चैत, काठमाडौँ । साताको चौथो दिन बुधबार सेयर बजार (नेप्से) १९ दशमलब ६५ अकंले घटेर २६३२ दशमलब ३२ विन्दुमा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ५ दशमलब २२ अकंले घटेर ४९७ दशमलब ३७ विन्दुमा पुगेको छ ।

आज कुल सूचिकृतमध्ये २३१ कम्पनीको २ अर्ब ५७ करोड ४ लाख १ हजार १८८ रुपैंया बराबरको ४९ लाख ६७ हजार ४७१ कित्ता सेयर किनबेच भएको छ । तिनको कारोबारमा ३७ हजार ३२ पटक लेनदेन भएको हो ।

कारोबार रकमको आधारमा नेपाल टेलिकम, गरिमा विकास बैंक, अपी पावर, नेपाल लाइफ इन्स्योरेन्स, हिमालयन डिष्टिलरी लगायतका कम्पनीहरु शिर्ष स्थानमा रहे भने कारोबार संख्याको आधारमा सोल्टी होटलर्स, अपी पावर, गरिमा विकास बैंक, ग्लोबल आईएमई बैंक, नेपाल इन्फ्रास्ट्रक्चर बैंक लगायतका कम्पनीहरु शिर्ष स्थानमा रहे ।

आज सबै भन्दा धेरै कमाउनेमा इमर्जीङ्ग नेपाल, मैलुङ्ग खोला जलविद्यृत, सोल्टी होटलर्स, ओरियन्टल होटलर्स, नेपाल फाइनान्स लगायतका कम्पनीका लगानीकर्ताहरु परेका छन । त्यसैगरी आज सबै भन्दा धेरै गुमाउनेमा भने युनाइटेड इर्दी मार्दी एण्ड आरबि हाईड्रोपावर, नेपाल टेलिकम, शिव श्री हाईड्रोपावर, घलेम्दी हाईड्रोपावर, लिबर्टी ईनर्जी नेपाल लगायतका कम्पनीका लगानीकर्ताहरु परेका छन ।