हामी सबैकाे संसारन्यूज

‘इलामे जेठो’ शिव अधिकारी,लुम्बाक,इलाम

१
एक अर्काको विरुद्धमा, दल् बल् आएपछि ।
मुलुकमा यति विघ्न, खल् बल् आएपछि ।
निमुखाको न्याय हुन्छ ? भन्नोस् महासय,
कानुनको तराजु नै, ढल्पलाएपछि ।

२
सग्लोलाई फुटाएर, टुक्रा जोड्दा हुन्छ ?
दायाँ तिर गन्तब्य छ, बायाँ मोड्दा हुन्छ ?
यसै गर्दा गणतन्त्र, बच्ला महोदय ?
कानुन आफैं बनाउने, आफैं तोड्दा हुन्छ ?

३
बल् गर् साथी ! आउदैन, पालो खुस्केपछि ।
के काम छ र ?घण्टेसोको, रालो खुस्केपछि ।
कुरीकुरी छोप्न भन्दै, यसो लगाएको,
यत्रो आब्रक रहन्छ र, टालो खुस्केपछि ।

४
आत्मीयता सा¥है भए, कोही आँसु बगाउँछन् ।
परिवार र नातेदार, रोई आँसु बगाउँछन् ।
बाँचुञ्जेल सराप्नेले, बरा भनी टोपलेर,
मरेपछि देखावटी, गोही आँसु बगाउँछन् ।

५
वर्षौं भयो ताकेको, पाउन तिमीलाई ।
देवी द्यौता भाकेको, पाउन तिमीलाई ।
अब पनि किन ढिला ? साइत जुराउन,
निधो गर्न डाकेको,पाउन तिमीलाई ।