Sansar News
काठमाडौं । नेपालमा पछिल्लो २४ घण्टामा गरिएको ६,५४९ नमुना परीक्षणमा ४४ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज थपिएका २४ जनासँगै नेपालमा हालसम्म ९ लाख ७८ हजार २३१ जनामा कोरोना संक्रमण पुष्टि भएको छ । साथै आज निको भएका ४८१ जनासँगै नेपालमा हालसम्म कोरोना संक्रमणबाट मुक्त हुनेको संख्या ९ लाख ६३ हजार ५९२ पुगेका छन् ।
त्यसैगरी आज १ जनाको संक्रमणबाट मृत्यु भएको छ । आज थपिएका १ जनासँगै नेपालमा हालसम्म कोरोना संक्रमणबाट ११ हजार ९५० जनाको मृत्यु भएको छ ।
नेपालमा हाल २६८८ जना सक्रिय संक्रमित रहेका छन् । ती मध्ये २,६३७ जना होम आइसोलेशनमा रहेका छन् भने ५१ जना संस्थागत आइसोलेसनमा रहेका छन् । साथै आइसीयुमा २३ र भेन्टिलेटरमा २ जनाको उपचार भइरहेको छ ।
नेपालमा थप ७३ हजार ६४२ मात्रा कोरोनाविरुद्धको खोप लगाइएको छ ।
वि.सं.२०७८ चैत ८ मंगलवार १६:०७ मा प्रकाशित
